Durante máis de sete séculos, as dornas dominaron a pintoresca paisaxe das Rías Baixas, desempeñando un papel crucial en actividades como a pesca e o transporte. Inspirados nestes emblemas das nosas rías, Sargadelos reproduce nesta peza as súas formas distintivas, desde a prominente proa redondeada ata a popa inclinada, bañada polos ronseis que deixa ao seu paso. O contraste entre as liñas curvas e as arestas definidas plasma o efecto dos ventos e as ondas ao sucar os mares, sendo unha oda á esencia sinxela da cultura mariñeira das rías, tal como expresaba o poeta Manuel María: “Non hai dorna como a miña, tan xentil e tan lixeira. Miña dorna ben feitiña! Miña dorna mariñeira…! Miña dorna sempre avante atravesas todo o mar. Que fermosa! Que elegante! Que ben sabes navegar.” Dimensións: 21 x 11,8 x 26 cm Material: Porcelana