Estas louzas eran características pola súa cor branca, o seu esmalte brillante cremoso ou lixeiramente azulado, con estilos neoclásicos inspirados na louza inglesa Bristol. Corresponden a esta época as primeiras pezas pintadas a man.
Segunda Época
En 1835, José Ibáñez asóciase con Antonio Tapia para constituír a empresa Ibáñez e Tapia. Coa dirección do francés M. Richard apostaron pola fabricación de louza fina branca pintada a man. Tamén abordaron as primeiras probas de estampaxe e policromía. Sobresaen daquela época as pezas con motivos costumistas, mitológicos e relixiosos.
Cuarta Época
En 1873, asociándose cos coruñeses Atocha e Morodo, a familia Ibáñez recobra a xestión de SARGADELOS, tratando de reproducir sen éxito a calidade da etapa anterior, cesando os investimentos en novas instalacións e prescindindo dos expertos ceramistas estranxeiros. Os preitos ocasionados polos Ibáñez levaron ao peche de SARGADELOS en 1875.
A pesar de todo, un século máis tarde, en 1972, o perímetro das antigas Fábricas foi declarado Conxunto Histórico-Artístico debido á beleza alcanzada nos seus talleres e o rico legado cultural que había imprimado na sociedade da época e nas futuras xeracións, convertendo a SARGADELOS nun verdadeiro mito cun espazo reservado na memoria colectiva.
SARGADELOS
A inquietude artística e empresarial de Diaz Pardo levouno a Arxentina, onde contactou con exiliados galegos entre os que se atopaban o magnífico pintor Luís Seoane. Aínda que esas experiencias non foron moi lucrativas no seu momento, serviron para suscitar o interese dos intelectuais galegos exiliados da guerra civil española pola recuperación económica e cultural de Galicia, que se plasmou en 1963 coa creación do Laboratorio de Formas.
A boa relación de Diaz Pardo e Seoane deu pé á recuperación económica e cultural de Galicia e ao rexurdimento de SARGADELOS. En 1968 comezaron as obras na factoría de Cervo (Lugo), tras a constitución da sociedade Cerámica de SARGADELOS, fabricando as primeiras pezas, tratando de restaurar o espírito creador de Antonio Raimundo Ibáñez, que revolucionara Galicia no seu momento. O éxito de tal emprendemento foi inmediato: deseño e calidade axuntáronse coa historia, convertendo SARGADELOS nun referente de Galicia. O empeño e alianza entre ambas as personalidades e o esforzo e dedicación dos traballadores converteron á empresa nunha icona local e internacional, orgullo dentro e fóra das fronteiras galegas.
