Descrición: The Beatles é sen dúbida a banda de rock máis aclamada e influente da historia da música. O grupo, sempre acompañado dun gran éxito comercial, converteuse nun auténtico fenómeno social e cultural nunca antes visto. A música e estética dos Beatles impregnaron a nosa cultura occidental desde a segunda metade do século XX. A rebeldía da mocidade daqueles anos sesenta protagonizou o movemento hippie e as revoltas de Maio de 1968; pero a música desenfadada, insolente e atrevida de infinidade de conxuntos musicais temperou o desacato e a trasgresión proclamada. Con esta reinterpretación do icónico "Yellow submarine", SARGADELOS quere render tributo a unhas xeracións, que, na súa inxenuidade, pretenderon cambiar o mundo e aínda que non o conseguiron, co seu entusiasmo pola vida e a súa paixón pola música abriron novos camiños á liberdade. Dimensións: Longo: 25 cm. Alto: 18 cm. Ancho: 11cm. Material: Porcelana. Coidados: Limpar cun pano suave e húmido.