Sargadelos y Estrella Galicia presentan la columna Génesis.

A exitosa traxectoria de colaboración que manteñen estas emblemáticas empresas galegas remóntase aos anos 90 e suma agora un novo fito co lanzamento desta columna que xa empeza a estar presente en locais de hostalería de todo o país.

Deseño

A columna Xénese prodúcese de forma artesanal na factoría Sargadelos. Componse de tres partes de porcelana que se ensamblan entre si e que albergan os mecanismos necesarios para o tiraxe perfecto da cervexa. Ten como módulo base un hexágono, un polígono de 6 lados e 6 ángulos iguais, que se multiplica conformando un sistema modular de 6 alturas, que se inspira na estrela de 6 puntas, emblema protector do antigo gremio dos cervexeiros.

Simboliza deste xeito en cada unha das súas arestas os procesos (malteado, coción, fermentación) e os elementos (aire, auga e lume) necesarios para a elaboración de cervexa. A súa produción é moi complexa xa que é un dos elementos de maior tamaño que se vitrificou nos fornos de Sargadelos. Este proceso de coción a altas temperaturas dota á peza dunhas características inmellorables, como dureza e resistencia, porosidade nula ou a súa brancura.

Unha longa traxectoria de éxito

A relación de colaboración entre Estrella Galicia e Sargadelos remóntase xa aos anos 90 e tivo o seu primeiro lanzamento coa columna Esfinxe en 1998. O éxito das billas de porcelana da cervexeira fai que rapidamente se estenda o seu uso por unha ampla tipoloxía de locais de hostalería e á primeira columna seguiron outras como a Sibila, o Zigurat, a Esfinge de Ouro ou a Tradición.

Hoxe en día, as columnas de servizo de cervexa de Sargadelos para Estrella Galicia convertéronse en elementos emblemáticos que representan unha forma de ser compartida ao redor da artesanía, tanto na elaboración de cervexa como na produción de porcelana. Esta colaboración foi moito máis alá das columnas e creáronse en común outros elementos como xarras cervexeiras, trofeos, réplicas da botella ou a lata de Estrela Galicia, ou a recoñecida xerra Growler.